Поради магла од утрово нема слетувања на Меѓународниот аеродром Скопје. На аеродромот слета само авионот на „Визер“ од Бремен во 11.20 часот, а останатите авиони поради густата магла не можеа да слетаат.
Авионите на скопската база на „Визер“ кои околу пладне требаше да слетаат во Скопје, за потоа да летнат кон други дестинации, по неколку обиди за слетување беа пренасочени. Авионот од Базел беше пренасочен кон аеродромот во Софија, а од Хамбург и Дортмунд во Приштина.
Беа откажани и двата утрински лета од Истанбул на „Туркиш ерлајнс“ и на „Пегасус“ и презакажани за во 13 часот.
Поради маглата неизвесно е како ќе се одвива сообраќајот до крајот на денот.
Пореметувања на авиосообраќајот на скопскиот аеродром имаше и на 2 јануари кога заради густа магла беа откажани неколку летови. Тогаш редот на летање се стабилизираше после 15.00 часот.
А. АНТЕВСКА
