Во 33 основни училишта, денеска околу 12.30 часот се прекина наставата поради закани со бомби, а подоцна такви закани стасале и во неколку средни учишта, пак во смената на матурантите.

Во СВР Скопје било пријавено дека на електронска адреса на 33 основни училишта во Скопје е упатена закана за поставена експлозивна нaправа.

Околу 14 часот пак, списокот на добиени заканувачки мејлови се прошири и во средните училишта „Јосип Броз Тито“, „Раде Јовчевски-Корчагин“ и други.

Веднаш по добиената пријава, од полициски службеници се преземени мерки за безбедно евакуирање на училиштата и во тек се антитерористички проверки.

Се преземаат мерки за расчистување на случајот.

Досега не е фатен главниот испраќач на мејловите.

С. К. ДЕЛЕВСКА