Собраниската седница за Предлог-буџетот за 2018 година, закажана за денеска, е одложена за 22 декември, а денеска, со почеток во 12 часот, во Собранието ќе се расправа за избор на нов Јавен обвинител, а на дневен ред се ставени и законите за реформите во правосудството. Станува збор за измени на законот за Судски совет, законот за укинување на Советот за утврдување факти и за измени на законот за заштитетни сведоци. Љубомир Јовевски е предлогот на Владата за нов Јавен обвинител.
Денеска пред влезот на Собранието имаше прес-конференција на ВМРО-ДПМНЕ, на која пратеничката Ане Лашкоска кажа дека опозициските пратеници нема да учествуваат во работата на Собранието сè додека 12% од нивната пратеничка група е во притвор.
„Не може да има расправа за буџет додека 12% од пратеничката група е во притвор. Нема да учествуваме во работата на Собранието додека не се создадат демократски услови за работа“, изјави Лашкоска.
Неофицијално, има координација меѓу власта и опозицијата за денешниот дневен ред на седницата.
Г. ТРПЕНОСКИ
