Намалениот број на тестови се должи на тоа дека се намалуваат инцикациите за тестирања, кажа министерот за здравство Венко Филипче на прес-конференцијата во Владата.
„Утрово разговарваме на Комисијата за заразни болести и констатацијата е дека се намалуваат и индикациите за тестирања, како преку пунктовите, така и во приватните лаборатории и ова оди во насока на стишување, на намалување на епидемијата, нешто што го очекувавме во овој период“, кажа министерот.
Институтот за јавно здравје регистрира 111 оздравени пациенти во: Скопје-13, Куманово-74, Штип-1, Прилеп-18, Битола-1, Охрид-1, Крива Паланка-1, Пробиштип-1 и Демир Хисар-1. Во земјава има регистрирано позитивни случаи 1.465, бројката на оздравени пациенти е 738, на починати е 77, а во бројот на активни случаи е 650.
Во изминатите 24 часа направени се 386 тестирања, а на Институтот за јавно здравје се направени 287. Вкупно се направени 16. 436 тестови.
Б. НЕСТОРОСКА
