Група македонски граѓани што живеат во Холандија, вчера до Амбасадата на Македонија во Хаг испратија писмо со кое изразија целосна поддршка на отпорот и на сите барања на граѓанското движење Протестирам.

Како што ни јавуваат граѓаните што демонстрирале, писмото било потпишано со разни бои фломастери за симболично да се покаже симболиката со Шарената револуција што се случува низ Македонија.

Потписи во разни бои како поддршка на шарената револуција во Македонија (аматерска фотографија)

Тие побараа итна и неотповиклива оставка на Ѓорге Иванов од функцијата Претседател на Република Македонија и ги повторија барањата на Шарената револуција и одложување на изборите на 5 јуни.