Кандидат за градоначалник на Град Скопје на СДСМ е пратеникот Петре Шилегов, потврди утринава партијата.
ШИЛЕГОВ МОЖЕН КАНДИДАТ ЗА ГРАДОНАЧАЛНИК НА СКОПЈЕ
Социјалдемократскиот сојуз ги соопшти и кандидатите за општините во рамки на Скопје: Златко Марин за градоначалник на општина Аеродром, Велимир Смилевски за општина Бутел, Борче Георгиевски во општина Гази Баба, Александар Наумоски во општина Ѓорче Петров, Стефан Богоев во општина Карпош и Филип Темелковски во општина Кисела Вода. За општина Центар партијата се уште нема истакнато кандидат.
Од другите поголеми општини, во Штип, кандидат на СДСМ е Благој Бочварски и во Охрид е Јован Стојановски. Локалните избори се закажани за 15 октомври, а краен рок поднесување за кандидатури е 14 септември.
