Со песната „Систем вара, Влада пада“ од групата ,,Београдски синдикат,, струмичани на протестен марш побараа повлекување на одлуката за аболиција на Претседателот Ѓорѓе Иванов но и негова оставка и одложување на закажаните избори на 5 јуни.
„Бараме вклучување и присуство на независни претставници на граѓанското
општество во процесот на решавање на кризата, но и формирање на преодна Влада која докрај ќе ги имплементира итните реформски приоритети од извештајот на Прибе“, порачаа струмичани.
Протестот се одржа по улиците во централното градско подрачје, а на одредени пунктови струмичани преку мегафони ги објаснуваа своите барања и ги пуштаа разговорите од опозициските бомби.
Коментари