Вработен во приватна фирма во Скопје му ја запалил колата на газдата оти му должел плати. Од Министерството за внатрешни работи велат дека вчера во 13.43 часот на булевар Србија, Љ.С. (56) кој порано работел во приватната фирма на И.И.(51) со бензин го полеал возилото на газдата марка БМВ, кое било паркирано пред објектот и го запалил.

„Причина за палењето според досега пријавеното во МВР се неколку неисплатени плати кон Љ.С. Огнот го изгаснале вработените, а Љ.С. бил приведен во полициска станица за расчистување на случајот“, велат од Министерството за внатрешни работи.