Лидерот на ВМРО-ДПМНЕ Христијан Мицкоски денеска во Државата изборна комисија ја поднесе иницијатива за референдум за укинување на Договорот за добрососедство, пријателство и соработка со Бугарија од 2017 година.

Во изјава за медиумите, Мицкоски повика истовремено со референдумот да се распишат и предвремени парламентарни избори.

„Тоа што почнуваме постапка за распишување на задолжителен референдум за лошиот Договор со Бугариja не значи дека се откажуваме од барањето за предвремени избори. Напротив е одлична можност со референдумот на еден трошок да се организираат и избори“, кажа Мицкоски.

За да се распише задолжителен референдум потребно е да се соберат 150.000 потписи, а за да биде успешен треба да излезат да гласаат над 900.000 граѓани.