Со 70 гласа „за“, Собранието утринава го изгласа Предлог-законот за изменување и дополнување на Изборниот законик. Според измените на Изборниот законик, Општините Дебар и Маврово-Ростуше место во Шестата ќе бидат во Петтата изборна единица.
Со измените, од Општина Дебар, која во дел и досега беше во петтата изборна единица, во петката се селат дополнителни 11 избирачки места. Маврово и Ростуше се селат од шестка во петка, со вкупно 58 избирачки места.
Факсимил од текстот на Предлог-законот за измена и дополнување на Изборниот законик. (Фото: СДК.МК)
Предлагачи на измените на Изборниот законик се координаторите на трите најголеми партии во Собранието, Јован Митревски од СДСМ, Никола Мицевски од ВМРО-ДПМНЕ и Ејуп Алими од ДУИ. „За“ гласаа пратеници од овие три партии.
Промената на границите на Шестата изборна единица се дел од препораките на ОБСЕ/ОДИХР, бидејќи една изборна единица не смее да има 5% повеќе гласачи од другите.
На истата седница рано изутринава, Собранието ја разреши и техничката министерка за труд и социјални работи од ВМРО-ДПМНЕ Рашела Мизрахи.
Работата на Собранието продолжува денеска во 13 часот со гласање за Закон за Јавно обвинителство и за измените на Законот за Советот на јавните обвинители. Расправата за Законот за Јавно обвинителство заврши синоќа, но власта немаше двотретинско мнозинство, па гласањето беше одложено.
- СОБРАНИЕТО ЈА РАЗРЕШИ МИНИСТЕРКАТА РАШЕЛА МИЗРАХИ
- ОДЛОЖЕНО ГЛАСАЊЕТО ЗА ЗАКОНОТ ЗА ЈАВНО ОБВИНИТЕЛСТВО, НА ВЛАСТА Ѝ ФАЛЕА ПРАТЕНИЦИ ЗА ДВОТРЕТИНСКО МНОЗИНСТВО
Извод од гласањето за измените на Изборниот законик:
