Нема мерки за претпазливост на поранешниот премиер Никола Груевски, поранешниот министер за транспорт Миле Јанакиески и за градоначалникот на општина Гази Баба Тони Трајковски.

Од Основниои суд Скопје 1 вечерва соопштија дека „Судија на претходна постапка постапувајќи по предлогот за определување мерки на претпазливост спрема осомничените Н.Г., M.J. и T.T. поднесен од страна на Јавното обвинителство за гонење на кривични дела поврзани и кои произлегуваат од незаконското следење на комуникациите (СЈО) и се опфатени во предметот на СЈО во јавноста познат како „ТНТ“, донесе решение со кое го одби како неоснован предлогот на СЈО и против истите не определи мерки на претпазливост“.

Во рок од 24 часа СЈО има право да поднесе жалба до Кривичниот совет при Основен суд Скопје 1 – Скопје.