ТЕТОВЦИ ОД КОЛТУК ГО БЛОКИРАА ПАТОТ КОН ШАРПЛАНИНСКИТЕ СЕЛА

a:1:{s:9:"td_source";s:24:"Тетово,(МЕТА)

    ТЕТОВЦИ ОД КОЛТУК ГО БЛОКИРАА ПАТОТ КОН ШАРПЛАНИНСКИТЕ СЕЛА

    Дел од граѓаните од стариот дел на Тетово го блокираа патот кој води кон селата од шарпланинскиот масив. Блокадата кај населбата Колтук траеше половина час. Учесниците велат дека се одлучиле на ваков чекор затоа што Општина Тетово сосема го заборавила овој дел на градот, каде нема вода, ѓубрето не се собира редовно и наместо властите, во инфраструктурата колку што можат инвестираат дел од жителите.

    „Можеби на овој начин, со блокада, градоначалничката на Тетово, Теута Арифи, ќе ги слушне нашите проблеми. Патиштата ни се во ужасна состојба, немаме вода, улично осветлување. Па и ние живееме во Тетово, но односот кон нас од страна на властите е многу поинаков, како да сме граѓани од втор ред“, рече еден жител од Колтук.

    Жителите најавија дека блокадите ќе продолжат и понатаму и ќе траат со часови ако Општината не преземе сериозни чекори за решавање на дел од нивните инфраструктурни и комунални проблеми.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира