За денеска преку Институтот за јавно здравје се регистрирани 21 излекуван пациент, 16 од Скопје, 3 од Куманово и 2 од Штип, сите се лекуваа во домашни услови, соопшти Министерството за здравство. Со ова до денеска, бројката на излекувани пациенти во земјата изнесува 200.
Починати се тројца пациенти позитивни на КОВИД-19. На Клиниката за инфективни болести и фебрилни состојби почина една пациентка од Лабуништа на 46 годишна возраст, примена на 29 март, а подолг временски период била на механичка вентилација, и еден 71-годишен пациент од Прилеп, лекуван на клиниката од 15 април. Во Градската општа болница „8 Септември“ почина пациентка од Куманово на 63 годишна возраст, хоспитализирана во тешка состојба на 6 април и веднаш поставена на респираторна машина.
Во изминатите 24 часа потврдени се 18 нови случаи на коронавирус, во:
Скопје-2
Куманово-9
Штип-2
Тетово-2
Велес-1
Гостивар-1
Пехчево-1.
Со ова, вкупната бројка на дијагностицирани пациенти со КОВИД-19 во нашата земја изнесува 1225 , од кои 54 починаа, а 971 е активен. Последната дистрибуција по градови е:
Скопје – 411
Куманово – 338
Дебар – 51
Штип-34
Прилеп –117
Тетово – 57
Струга – 55
Велес – 59
Битола –17
Охрид –15
Кавадарци – 4
Гостивар –13
Гевгелија – 4
Струмица – 2
Крива Паланка-4
Радовиш – 4
Крушево – 3
Кочани – 27
Пробиштип – 2
Кичево – 2
Неготино -2
Демир Хисар – 1
Македонски Брод -2
Пехчево- 1
Во изминатото деноноќие направени се 263 теста. Преку ИЈЗ –252, преку Ветеринарен фaкултет -0, Авицена –0, Биотек –0, Филип Втори (Жан Митрев) –0 и Систина со ПЦР метода -11. Досега во земјата се направени вкупно 12.133 тестирања на КОВИД -19.
На Клиниката за инфективни болести и фебрилни состојби во Скопје, примени се 3 пациенти од Скопје, Струга и Прилеп со средно-тешка и тешка состојба. Вкупно се хоспитализирани 56, од кои 18 се на кислородна поддршка, а 3 се на механичка вентилација.
Во ГОБ „8 септември“ примени се 15 нови пациенти. Суспектни пациенти кои добија негативен резултат се префрлени на други оддели, па во моментов на одделот за КОВИД-19 се хоспитализирани 34 потврдени и суспектни пациенти. Со потешка клиничка слика се 9 пациенти, а 6 се на респираторна машина.
Во болницата во Битола се хоспитализирани 14 пациенти потврдени и суспектни на КОВИД-19, а на домашно лекување се следат уште 15 пациенти.
Во штипската болница во моментов се лекуваат 5 КОВИД-19 позитивни пациенти, сите во стабилна состојба, а на домашно лекување се следат 19 пациенти.
Б. НЕСТОРОСКА
