ЦЕЛОСНО НЕОСНОВАНА И ЛАЖНА Е ВЕСТА ДЕКА ХОЛАНДИЈА ДАЛА ПОДДРШКА ЗА БУГАРСКОТО ВЕТО, ВЕЛАТ ОД ХОЛАНДСКАТА АМБАСАДА

    ЦЕЛОСНО НЕОСНОВАНА И ЛАЖНА Е ВЕСТА ДЕКА ХОЛАНДИЈА ДАЛА ПОДДРШКА ЗА БУГАРСКОТО ВЕТО, ВЕЛАТ ОД ХОЛАНДСКАТА АМБАСАДАВеста на бугарскиот весник „24 Часа“ беше преземена од десетици македонски медиуми и излезе ударно на агрегаторите за вести. (Фото: Тајм.мк/принтскрин)

    Холандската амбасада во Скопје вели дека се целосно неосновани и лажни вести известувањата во некои медиуми дека Холандија ѝ дала поддршка на Бугарија во блокирањето на преговарачката рамка за почеток на пристапните преговори на Северна Македонија со ЕУ.

    Од амбасадата за САКАМДАКАЖАМ.МК потсетуваат дека „на 30 октомври 2020 година, владата на Холандија го информира холандскиот парламент за својата одлука дека првата меѓувладина конференција за Северна Македонија може да се одржи. Овој став останува, се разбира, непроменет. Холандија сметаше и сѐ уште смета дека Северна Македонија има постигнато добар напредок и дека меѓувладината конференција може да се одржи веднаш штом се усвои преговарачката рамка“.

    Веста ја објави бугарскиот весник „24 Часа“, повикувајќи се неименувани дипломатски извори од Брисел, а го цитираше и Фејсбук статусот на обвинетиот пратеник на ВМРО-ДПМНЕ Антонијо Милошоски, кој, исто така, се повика на неименувани дипломатски извори во Брисел, тврдејќи дека две земји членки на ЕУ ја поддржуваат Софија.

    Потоа веста беше преземена од десетици македонски медиуми и излезе ударно на агрегаторите за вести.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира