ВМРО-ДПМНЕ и Коалицијата за подобра Македонија освоиле 452.709 гласови, СДСМ и Коалицијата за живот во Македонија – 436.469, според последните бројки на Државната изборна комисија по преброени 99,72% од гласовите на вчерашните предвремени парламентарни избори. ДУИ освоила 86.812, Движењето Беса – 57.972, Алијанса за Албанците – 35.091 и ДПА – 31.017 и тоа се партиите што ќе влезат во новиот состав на парламентот.

До ДИК немало пристигнато приговори во врска со гласањето.

Оттаму  не дадоа првични и прелиминарни резултати за распределбата на мандати, туку најавија дека за тоа ќе известат во текот на денот бидејќи има уште мал процент на гласови кои треба да се добројат.

Ноќеска и ВМРО-ДПМНЕ и СДСМ прогласија победа.