ВРАБОТЕНИТЕ ВО „8 СЕПТЕМВРИ“ ЌЕ ДОБИЈАТ ПОВИСОК ПРОЦЕНТ ЗА ДЕЖУРСТВАТА, НАЈАВИ ФИЛИПЧЕ

    ВРАБОТЕНИТЕ ВО „8 СЕПТЕМВРИ“ ЌЕ ДОБИЈАТ ПОВИСОК ПРОЦЕНТ ЗА ДЕЖУРСТВАТА, НАЈАВИ ФИЛИПЧЕМинистерот за здравство Венко Филипче на денешното одбележување на 10-годишнината од именувањето на Градска општа болница „8 Септември“ по националниот празник, Денот на независноста. (Фото: Министерство за здравство)

    Во Градската општа болница (ГОБ) „8 Септември“ од почетокот на коронакризата се извршени 10.765 амбулантски прегледи, а 1.768 пациенти се примени на болничко лекување со симптоматологија на ковид-19, рече денес директорот д-р Христијан Костов на одбележувањето на 10-годишнината од ставањето на поранешната Воена волница во системот на јавно здравство и именувањето во Градска општа болница „8 Септември“.

    Одбележувајќи го патрониот празник на болницата, националниот празник, Денот на независноста, министерот за здравство Венко Филипче кажа дека во март, годинава, болницата презеде голема улога и голема одговорност, и стана ковид-центар.

    „Тука беа сместени најтешките пациенти, исто како на Инфективната клиника. Болницата докажа дека има инфраструктурен капацитет, но пред се човечки капитал, лекари и експерти од многу области, кои пожртвувано 24 часа на ден многупати со чести дежурства во текот на неделата работеа со најтешките пациенти“, рече Филипче, а директорот додаде дека во болницата успеале да излекуваат голем број пациенти кои беа на асистирана механичка инвазивна вентилација. „Први во државата воведовме и нови третмани како што е озон-терапија, која даде солидни резултати во лекувањето пациенти заболени од ковид-19“, рече директорот.

    Министерот Филипче кажа дека после разговори со претставници од болницата и претставници од Синдикатот, се работи на измена на посебниот колективен договор, којшто оваа установа го има, со кој ќе се зголемат процентите за дежурства на сите вработени во оваа болница.

    „Сакам да им порачам да бидат горди на својата работа, да се горди на иnституцијата во којашто работат“, изјави министерот Филипче.

    Во „8 Септември“ во последните 24 часа примени се 6, а вкупно хоспитализирани се 27 пациент. На респираторна машина се 7 пациенти.

    Од минатата недела преку заживување на „Мој термин“, во болницата постепено се враќаат пациентите што поради тоа што таа беше ковид центар не можеа да дојдат до здравствени услуги што ги нуди „8 Сештември“ , а од денеска постепено се враќа и редовната хируршка програма.

    Б. НЕСТОРОВСКА

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира