Ветровито и облачно време ќе се задржи и утре, но нема да има врнежи, велат од Управата за хидрометеоролошки работи на Македонија (УХМР). Синоптичарите велат дека ќе дува умерен до засилен ветер, а температурата ќе се движи од 10 до 18 степени Целзиусови. Дневната температура во Скопје ќе биде до 14 степени.
„Во четврток и петок времето ќе биде сончево, но ќе дува ветер од северен и североисточен правец. Утринските температури ќе се движат од -2 до 7 степени, а дневните ќе бидат во пораст, па во петок се очекува дневните температури да бидат од 18 до 24 степени“, велат синоптичарите од УХМР.
Повторно заладување се очекува за време на викендот, кога дневните температури ќе се движат во интервал од 9 до 16 степени и ќе дува засилен ветер од северен правец. Врнежи нема да има.
„Во последните 24 часа најмногу врнежи се измерени во Дојран, каде наврнаа 88 литри вода на метар квадратен, потоа 31 литар во Штип, во Струмица и Берово наврнаа 30 литри, а во Скопје се измерени 19 литри“, велат од УХМР.
