ЖЕЛЕЗНИЧКИОТ СООБРАЌАЈ ВО ПРЕКИН ПОРАДИ НЕИСПЛАТЕНИ ДНЕВНИЦИ И ПОЛОВИНА ПЛАТА НА МАШИНСКИОТ ПЕРСОНАЛ

    ЖЕЛЕЗНИЧКИОТ СООБРАЌАЈ ВО ПРЕКИН ПОРАДИ НЕИСПЛАТЕНИ ДНЕВНИЦИ И ПОЛОВИНА ПЛАТА НА МАШИНСКИОТ ПЕРСОНАЛУтринава е блокиран целиот железнички сообраќај, со исклучок на меѓународниот воз Скопје-Солун. - Железничката станица во Скопје (Фото: Ѓ. Личовски)

    Околу 150 вработени – машински персонал вo „Македонски железници” поради неисплатени дневници и втората половина од платата за октомври од вчера протестираат и одбиваат да работат. Тие велат дека ова не е штрајк, туку протест затоа што не им е исплатена платата.

    „Од вчера во прекин е товарниот железнички сообраќај, а од утрово и патничкиот. Со исклучок на меѓународниот воз Скопје-Солун, кој утрово го пропуштил еден од машиновозачите. Целокупниот железнички сообраќај е запрен”, вели Душко Чакаровски, машиновозач во „Македонски железници“.

    Тој кажа дека бараат ноемвриската плата да им биде исплатена до 25 декември, во спротивно на 26 декември повторно ќе протестираат.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира