Македонија монетарно се осамостои точно на Велигден во 1992 година. Првите македонски пари беа промовирани на 26 април на собраниската говорница од тогашниот премиер Никола Кљусев. Името „денари“ го даде Македонската академија на науките и уметностите и потекнува од староримскиот „денариус“. Првата серија македонски банкноти беше пуштена во промет во дури осум апоени – 10, 25, 50, 100, 500, 1.000, 5.000 и 10.000.

Веќе следната година, денарите добија нов дизајн, а три години подоцна повторно имаше редизајн, кој опстана до денеска.