Пливачот Марио Мицковски ѝ го донесе четвртиот медал на Македонија на Специјалната олимпијада во Берлин. Под водство на тренерот Игор Димовски, Мицковски беше трет на трката на 100 метри слободно.
Пливачите го освоија првиот медал во четвртокот, кога Стефан Трпковски се закити со сребро на 100 метри грбно.
Први кои се искачија на подиумот беа атлетичарите, откако Агрон Хајредини освои злато, а Јулијана Петровска сребро во скок во далечина од место.
