Тигст Асефа од Етиопија постави нов светски рекорд за жени од 2 часа 15 минути и 50 секунди со денешната победи на маратонот во Лондон, додека дебитантот, Кениецот Сабастијан Саве, победи во машка конкуренција полна со ѕвезди.

Асефа ја искористи шансата што ја даде топлото време за да напредува во последниот дел, освојувајќи ја својата прва титула на Лондонскиот маратон. За 28-годишната Асефа тоа беше голема компензација што лани беше втор и во Лондон и на Олимписките игри во Париз – особено што холандската ривалка Сифан Хасан, родена во Етиопија, денес заврши на третото место.

„Минатата година бев втора, така што да се победи овде оваа година е многу посебно“, изјави таа. „Минатата година имав проблеми со студеното време и ми се затегна тетивата. Оваа година ми одговараше многу повеќе и ми беше многу полесно“.

29-годишниот Саве ѝ ја донесе на Кенија четврта последователна победа во машката трка со време од 2 часа 02 минути и 27 секунди. Тој го победи светскиот рекордер во полумаратон од Уганда, Џејкоб Киплимо, бранителот на титулата Александар Мутисо Мунјао го победи Абди Нагеје за третото место во фотофиниш, додека четирикратниот шампион Елиуд Кипчоге заврши шести.