Францускиот пливач Аксел Рејмон во машка и неговата сонародничка Ошан Касањол во женска конкуренција се победниците на годинашниот Охридски маратон.

Рејмон ја исплива патеката долга 25 километри за 5:10.31 часа, второто место го освои Италијанецот Едоардо Стокино со време од 5:10.32 часа, а на третото место заврши Македонецот Евгениј Поп Ацев со време од 5:10.34 часа

Медалите и пехарот на победниците на 34. Охридски пливачки маратон ги додели претседателот Стево Пендаровски, кој е покровител на трката.

На 25 километри долгата патека „Климе Савин” се натпреваруваа вкупно 19 пливачи, 12 во машка и 7 во женска конкуренција.