Фудбалерите и официјалните лица на германскиот прволигаш Херта клекнаа на теренот пред почетокот на средбата со Шалке на Олимпискиот стадион во Берлин, „во знак на поддршка на слободниот свет“.
Бундеслигашкиот клуб го ископира гестот, што прв го направи НФЛ-играчот Колин Кеперник, протестирајќи против лошиот третман на Афроамериканците. Тоа подоцна стана тренд во американскиот фудбал, што го изнервира претседателот на САД, Доналд Трамп, кој побара од клубовите да ги отпуштат сите играчи кои клекнуваат при интонирањето на химната.
„Херта е на страната на толеранцијата и одговорноста. Ние сме за толерантен Берлин и за слободоумен свет, сега и засекогаш“, објави клубот на Твитер.
Кеперник, квортербекот на Сан Франциско џајантс, одби да стане на химната пред почетокот на еден претсезонски меч во 2016 година, со цел да укаже на расната неправда и на полициската бруталност.
