Новак Ѓоковиќ се раздели од тренерот Борис Бекер со кого соработуваше три години. Српскиот тенисер работеше со поранешниот победник на Вимблдон од крајот на 2013 година и оттогаш освои шест гренд слема, а кога триумфираше на Роланд Гарос во јуни, ги имаше во сопственост сите четири гренд слема истовремено.

„По три многу успешни години, Борис Бекер и јас заеднички решивме да ја завршиме соработката. Целите кои ги поставивме тогаш се во потполност исполнети. Му се заблагодарувам на соработката, тимскиот дух и посветеноста. Од друга страна, моите професионални планови сега се насочени кон одржување на добро ниво на игра, правење добар распоред и поставување нови цели и во тој смисол ќе ги носам сите наредни планови“,  соопшти Ѓоковиќ на својот профил на Фејсбук.