Најуспешниот македонски автомобилист Игор Стефановски-Иџе ја освои третата европска титула во својата кариерата, а прва по осум години пауза. На последните две трки од сезоната, што се возеа во хрватското гратче Бузет, Иџе само ја потврди титулата во Европското првенство на ридски патеки, откако и претходно имаше солидна предност во однос на најблискиот конкурент.

Возејќи болид на „хјундаи“, Стефановски оваа сезона победи на седум од десетте трки.

Стефановски беше европски првак во оваа конкуренција и во 2014 и 2015 година.