Илјадници граѓани се собраа на плоштадот Македонија во Скопје да ја прослават втората европска титула на ракометниот клуб Вардар.
Ракометарите на Вардар вечерва во Келн по вторпат ја освоија титулата европски првак. Во финалето на завршниот турнир во Келн го совладаа Веспрем со 27:24.
Ова беше последен меч за оваа екипа на Вардар, кој со нова европска титула заокружува едно неверојатно поглавје од својата историја.