Албанија денеска успеа да постигне гол и да ја победи Македонија со 2:1 во преостанатите 15-тина минути од вчерашниот прекинат фудбалски натпревар во Скадар поради невреме. Синоќа, квалификацискиот натпревар за Светското првенство во Русија беше прекинат од судијата во 77. минута поради пороен дожд и силен ветер при резултат 1:1. Домашната репрезентација поведе со голот на Садику во 9. Минута, Алиоски израмни за Македонија во 51. минута и Балај беше стрелец на победоносниот гол во 89. минута.

На стадионот во Скадар имаше и навивачи од Македонија, кои навиваа за домашната селекција. (Фото: ЕПА)

Денеска во Скадар се играше пред полупразни трбини, бидејќи навивачите дојдени од Македонија и од другите градови од Албанија ноќеска се вратија дома. Следниот натпревар на македонската фудбалска репрезентација во квалификациите е на 6 октомври, на домашен терен против Израел.