Манчестер јунајтед го отпушти тренерот Ерик тен Хаг по две и пол години на клупата. Бордот на клубот утрово го известил Холанѓанецот за одлуката, ден по поразот на Јунајтед од Вест Хем во Премиерлигата.

За привремен тренер е назначен досегашниот помошник на Тен Хаг, Руд ван Нистелрој, кој пет години играше за клубот.

Манчестер лошо влезе во новата сезона и моментално се наоѓа на 14. место на табелата, откако забележа три победи во првите девет кола и постигна само осум гола. Тен Хаг беше под огромен притисок и по завршувањето на минатата сезона, но си го продолжи престојот со освојувањето на ФА купот.