Новак Ѓоковиќ можеби нема да може да игра на Ју-Ес опен откако организаторите кажаа дека мора да ги почитуваат правилата на американската влада за патување. САД бараат од сите странски државјани да бидат вакцинирани против ковид-19 ако сакаат да влезат во земјата.

Ѓоковиќ призна дека не се вакцинирал поради што не му беше дозволено да игра на Отвореното првенство на Австралија.

„Се надевам на добри вести“, кажа Ѓоковиќ за својот настап во Њујорк.

Ју-Ес опен ќе се игра од 29 август до 11 септември. Името на Ѓоковиќ се најде на листата учесници, но тоа е само формално и не е потврда дека ќе настапи.

„Ју-Ес опен не бара од играчите да бидат вакцинирани, но ќе го почитува ставот на американската влада во врска со патувањето на невакцинирани странски државјани“, соопштија организаторите.