„Уморен сум, смирен и задоволен. Беше толку тешко да се победи, но беше запишано во ѕвездите. Ја заслуживме победата“, изјави Пеп Гвардиола по синоќешната победа на Манчестер сити и освојувањето на Лигата на шампионите.
Пеп Гвардиола. (Фото: Ѓ. Личовски)
Англискиот фудбалски тим синоќа во Истанбул за првпат ја освои Лигата на шампионите, победувајќи го Интер со 1:0. Проектот што Пеп Гвардиола почна да го создава пред седум години ја завршува најдобрата сезона во историјата на клубот со тројна круна, откако претходно беа освоени и Премиерлигата и ФА купот.
(Фото: Ѓ. Личовски)
„Чест е да се биде како сер Алекс Фергусон“, изјави шпанскиот тренер. Фергусон досега беше единствениот на кој му успеало да ја освои тројната круна во Англија.
(Фото: Ѓ. Личовски)
На мечот без многу шанси, единствениот погодок го постигна Родри во 68. минута. Во продолжението, Фоден имаше извонредна шанса да го удвои водството на Сити и да го реши мечот предвреме, а на другата страна, Димарко погоди пречка, додека Лукаку во завршните минути не успеа одблиску да го совлада Едерсон.
(Фото: Ѓ. Личовски)
(Фото: Ѓ. Личовски)
(Фото: Ѓ. Личовски)
