По 20 години пауза, фудбалерите на Мароко изборија пласман на Светското првенство 2018 во Русија, откако на гостински терен го совладаа Брегот на Слонова Коска со 2:0.
Од 11-темина првотимци кои настапија на натпреварот во Абиџан само еден играч е роден во Мароко, додека сите останати се деца на доселеници во Европа.
Четворица се родени во Холандија и уште толку во Франција, а двајца во Шпанија. Исклучок е бекот Набил Дирар, кој е роден во Казабланка, но и тој пораснал во Белгија.
Токму во Белгија живее голема мароканска заедница, која бурно го прослави успехот на своите репрезентативци. Во нередите што уследија по натпреварот, во Брисел биле повредени 20-ина полицајци.
Слични сцени имало и во Холандија, на улиците на Хаг, каде што полицијата била гаѓана со тврди предмети.
Освен Мароко, Африка на Мундијалот ќе ја претставуваат и Тунис, Нигерија, Египет и Сенегал.
