Седумнаесет војници загинаа, а најмалку 40 се повредени откако филипински воен авион „си-130“ се урна на југот на земјата.
Секретарот за одбрана Делфин Лорензана рече дека во тек е спасувачка операција. Авионот имал 92 патника, меѓу кои тројца пилоти и пет членови на екипажот, а останатите биле воен персонал. Засега најмалку 40 лица се однесени в болница, а службите се обидуваат да ги спасат останатите.
Авионот „локид си-130 херкулес“ беше еден од двата авиона, кои беа во сопственост на американското воздухопловство, а кои ги добија како подарок годинава. Војската со децении се бореше со исламистичките фракции на Абу Сајаф.
Сѐ уште не е позната причината за несреќата. Воениот командант Горлето Винлуан рече дека според изјавите на очевидците, авионот најверојатно ја промашил пистата.
