Околу 80.000 луѓе се евакуирани синоќа од концертот на порториканската музичка ѕвезда Бед Бани во Милано поради екстремните временски услови. Концертот на отворено на хиподромот „Ла Маура“ беше откажан.

Тоа требаше да биде вториот од двата распродадени концерта на Бед Бани во Милано. Нешто по 21 часот, областа ја погоди насилно невреме проследено со пороен дожд, град, грмежи и силни ветрови, по што беше донесена одлука за прекинување на концертот и евакуација на присутните.

Видеа објавени на социјалните мрежи покажуваат големи зрна град како ги погодуваат фановите откако една од најголемите латино ѕвезди во светот го започна својот настап.

Локалните медиуми објавија дека на неколкумина луѓе им е укажана лекарска помош на самото место откако биле повредени од парчиња град.