Околу 84 отсто од Холанѓаните кои биле позитивни на тестот за ковид-19 изминатата недела не биле вакцинирани, а 10 отсто имале примено само една доза, според податоците на Националниот институт за јавно здравје.

Само 6 отсто од новите 42 илјади позитивни случаи во Холандија во изминатите седум дена биле целосно вакцинирани кога се тестирале.

„Околу 18 милиони вакцини се досега дадени, но сè уште има многу луѓе кои не се вакцинирани воопшто или не се вакцинирани целосно. Вакцинацијата против коронавирусот заштитува од сериозна форма на болеста и осигурува дека болеста нема да се шири толку брзо. Но, дури и да се вакцинирани, постои шанса да се заразите и потоа да заразите други“, велат од холандскиот Национален институт за јавно здравје.

Во Холандија, вчера беа регистрирани 7.821 нов случај на коронавирус и тројца починати.