Деведесет и шестгодишник кој го преживеал Холокаустот загина во руското бомбардирање на Харкив, објавија германските медиуми. Борис Романченко загинал во петокот кога неговиот дом бил погоден од проектил, кажа неговата внука.

Романченко ја поминал Втората светска војна во нацистичките кампови Бухенвалд, Пенеминде, Мителбау-Дора и Берген-Белзен.

„Иако имаше 96 години, Романченко активно го одржуваше сеќавањето на нацистичките злосторства и беше потпретседател на Меѓународниот комитет Бухенвалд-Дора“, соопшти Меморијалниот центар Бухенвалд.