Актуелниот претседател Анджеј Дуда тесно го победи својот противкандидат Павел Тшасковски на вчерашните избори во Полска. Последните резултати по пребројаните 99,7% гласови велат дека Дуда, сојузник на конзервативната влада, освоил 51,2%
Според првата излезна анкета, Тшасковски освоил 49,6% од гласовите, за потоа да се покаже дека разликата е нешто поголема.
Вчерашните избори, кои се одржаа среде пандемијата на коронавирусот, многумина ги гледаа како битка помеѓу иднината на земјата и нејзините затегнати односи со Европска Унија и се очекува Дуда во вториот мандат да продолжи со своите контроверзни реформи.
Ова беа најнеизвесните претседателски избори во Полска од падот на комунизмот во 1989 година. Дуда кажа дека излезноста била 70%, што ако се потврди, ќе биде најмногу досега.
