Албанскиот парламент го ратифицираше договорот со кој земјата се согласи да прима десетици илјади мигранти годишно кои пристигнуваат во Италија преку Средоземното Море. Опозицијата го бојкотираше гласањето.

Центрите што ќе ги гради Италија ќе бидат под нејзиниа правна надлежност и се очекува да бидат отворени напролет.

„Албанија застана покрај Италија и избра да дејствува како членка на Европската Унија, согласувајќи се да го дели товарот со кој Европа би требала заеднички да се соочува, без поделбите на леви и десни“, изјави албанскиот премиер Еди Рама.

Тој и италијанската премиерка Џорџа Мелони ги најавија овие центри во ноември и во нив ќе се прифаќаат само мигрантите кои ќе бидат спасувани со италијанските бродови на морето, не и оние кои стигнале до копното.

Ова е прв ваков договор постигнат помеѓу членка на ЕУ и земја која не е дел од блокот. Сличен план имаа Велика Британија и Руанда, но судот го отфрли како незаконски.