Апелацискиот суд ја отфрли казната од 500 милиони долари што претседателот на САД Доналд Трамп требаше да ја плати во судскиот процес за граѓанска измама во Њујорк минатата година. Судијата Артур Енгорон во првостепената пресуда му наложи на Трамп да ја плати таксата за масовно зголемување на вредноста на имотот на Организацијата Трамп со цел да обезбеди поволни заеми.

Во долгата пресуда објавена вчера, судиите од Апелациониот оддел на Врховниот суд во Њујорк изјавија дека иако Трамп е одговорен за измамата, казната од речиси половина милијарда долари е прекумерна и веројатно ги прекршува уставните заштити од строги казни.

Во првостепената прсеуда, судијата Енгорон му наложи на Трамп да плати 355 милиони долари, но со камата, таа се зголеми на повеќе од 500 милиони долари.

„Иако штетата секако се случи, не беше катастрофалната штета што може да оправда награда од речиси половина милијарда долари за државата“, напиша апелациониот судија Питер Молтон.

Во објава на неговата страница на социјалната мрежа Трут соушал, Трамп тврдеше дека одлуката е „целосна победа“.

Канцеларијата на државниот обвинител на Њујорк, која го покрена случајот против Трамп, исто така ја оцени одлуката како победа, бидејќи ја потврди одговорноста на Трамп за измама, а судиите не отфрлија други казни кои не беа финансиски. Канцеларијата планира да поднесе жалба против одлуката за казната до највисокиот суд во државата, Апелациониот суд. Во соопштението, канцеларијата на државниот обвинител изјави дека судиите „го потврдиле добро поткрепениот заклучок на судот: Доналд Трамп, неговата компанија и две од неговите деца се одговорни за измама“.

„Не треба да се изгуби во историјата: уште еден суд пресуди дека претседателот го прекршил законот и дека нашиот случај има основа“, се вели во соопштението на државнјот обвинител.