АВСТРИЈА ЌЕ ОБЕЗБЕДИ 651.000 ВАКЦИНИ НА „ФАЈЗЕР“ ЗА ЗАПАДЕН БАЛКАН, МАКЕДОНИЈА ЌЕ ДОБИЕ 119.000 ДОЗИ

    АВСТРИЈА ЌЕ ОБЕЗБЕДИ 651.000 ВАКЦИНИ НА „ФАЈЗЕР“ ЗА ЗАПАДЕН БАЛКАН, МАКЕДОНИЈА ЌЕ ДОБИЕ 119.000 ДОЗИАвстрискиот министер за надворешни работи Александер Шаленберг кажа дека дистрибуцијата на вакцини ќе почне во мај (Фото: Твитер)

    Австрија објави дека до август ќе им испорача 651.000 дози од вакцината на „Фајзер/Бионтек“ на шесте земји од Западен Балкан, како дел од шемата на Европската Унија да им се помогне на соседните држави и Африка. БиХ ќе добие најголем дел – 214.000 дози, додека на Македонија ќе ѝ припаднат 119.000.

    Европската комисија во јануари ги претстави своите планови за механизам за споделување вакцини и Австрија кажа дека ќе биде негов координатор за Западен Балкан и дека ова нема да биде последна испорака.

    И додека Србија ја спроведува една од најбрзите имунизации против ковид-19 во Европа, Македонија, Црна Гора, БиХ, Косово и Албанија имаа помал успех. Недостигот на вакцини дури довел до улични протести во БиХ.

    „Со оваа иницијатива покажуваме дека не го оставаме регионот зад нас. Австрија лично преговараше со ‘Фајзер/Бионтек‘ за овие земји да добијат вакцини“, изјави австрискиот министер за надворешни работи Александер Шаленберг.

    Австрија сама ќе ги финансира овие вакцини со 11 милиони евра, иако тоа ќе биде покриено од европските фондови за помош на земјите-кандидатки за членство во ЕУ.

    „Овие дози не се од националната квота. Ова се вакцини што Европската Унија од старт ги намени за своите партнери“, кажа Шаленберг, додавајќи дека дистрибуцијата ќе почне следниот месец.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира