Туристите во Берлин во иднина ќе можат да заработуваат мали награди со собирање ѓубре или патување на одржлив начин, според туристичката агенција „Визит Берлин“. Програмата, наречена „БерлинПеј“, треба да започне ова лето, со фокус оваа година на водните патишта во градот, се вели на веб-страницата на агенцијата.

„Го правиме одговорното однесување повидливо и го наградуваме. Оние кои дејствуваат свесно на и на вода – на пример со собирање ѓубре, разубавување на соседството или поддршка на социјални проекти – ќе добијат признание од партнерите учесници: мали придобивки или посебни искуства во Берлин“, се вели на веб-страницата, која е насочена кон потенцијални спонзори.

„Визит Берлин“ сè уште бара партнери – како што се ресторани, хотели и културни институции – кои можат да учествуваат во шемата и да им помогнат на туристите да ги добијат своите награди. „Визит Берлин“ соопшти дека сè уште не е подготвен да сподели детали за партнерите кои веќе биле вклучени. Целосната програма треба официјално да биде претставена кон средината на мај.

Моделот за БерлинПеј е концепт од „КопенПеј“ во данската престолнина Копенхаген. Според таа шема, туристите можат да добијат бенефиции како што се бесплатни патувања со брод или изнајмување велосипеди ако можат да докажат, на пример, дека патувале со воз, а не со авион или дека на друг начин се однесувале одржливо.