Поранешниот француски претседател Никола Саркози е осуден на три години затвор поради корупција. Две години од изречената казна се условни.
Шеесет и шестгодишниот Саркози е прогласен за виновен за обид за поткуп на судијата Жилбер Азибер, на кого му нудел престижна работа во Монако, во замена за информации за криминална истрага против неговата партија.
Идентична казна добија и Азибер и бившиот адвокат на Саркози, Тјери Херцог. Саркози може да ја отслужи казната во домашни услови. Обвинителите бараа четири години затвор, од кои две условни.
Првиот француски претседател на кого претходно му се судеше беше Жак Ширак, кој во 2011 доби двегодишна условна казна.
