Музејот „Ван Гог“ во Амстердам соопшти дека антимафијашката полиција во Неапол ги пронашла двете слики на Ван Гог украдени во 2002 година. Двете слики се во „релативно добра кондиција“, соопштија од музејот.

Се работи за сликите „Поглед на морето кај Шевенинген“ од 1882 година и подоцнежната „Поворката ја напушта Реформистичката црква во Нојнен“. Полицијата во Неапол кажа дека сликите, кои се од „непроценлива вредност“ биле откриени при истрага против криминалниот клан Камора.