Лидерите на Европската Унија одлучија да се отворат пристапни преговори со Украина и Молдавија и да ѝ се додели кандидатски статус на Грузија. Украинскиот претседател Володимир Зеленски ја поздрави одлуката како победа за неговата земја и Европа.

Портпаролот на Европскиот совет изјави дека одлуката била донесена едногласно, иако унгарскиот премиер Виктор Орбан и по доаѓањето на лидерскиот самит во Брисел беше дециден дека Украина не заслужува да ги почне пристапните преговори и дека неговиот став е непроменет. 

„Ова е победа за Украина, победа за цела Европа. Победа која мотивира, инспирира и зајакнува“, напиша Зеленски на Икс.

Орбан објави на Фејсбук дека бил воздржан зашто не сакал да учествува во она што го нарече лоша одлука. Претседателот на Европскиот совет, Шарл Мишел, не појасни како била донесена одлуката, за која е потребна едногласност.