Претседателката на Европската комисија, Урсула фон дер Лајен, ја повика Канада да стане првата „придружна членка“ на Европска Унија.

Бидејќи Канада не е европска држава, не може да стане полноправна членка на блокот, па затоа претставниците на ЕУ во последно време бараат други опции. Фон дер Лајен денеска ѝ го додели на Канада статусот на „придружна членка“.

„Ја поканувам Канада да биде првата придружна членка на ЕУ“, рече Фон дер Лајен во своето обраќање во Европскиот парламент.

Останува да се види што конкретно вклучува ова, но Брисел со ова испраќа политички сигнал дека е подготвен да го продлабочи својот однос со Канада, во време кога таа води трговска војна со САД.

Пред неколку дена, премиерот Марк Карни изјави дека Канада сака уникатен сојуз со Европската Унија, но не и членство во блокот, негирајќи ги медиумските написи дека Канада бара начини да стане придружна членка на блокот. Откако ја презеде функцијата, Карни промовираше стратегија насочена кон создавање понезависна и поотпорна економија, како одговор на сè понепријателската политика на владата на Трамп кон Канада.