Германија е подготвена да нарача кинески и руски вакцини против ковид-19, со цел да го забрза процесот на имунизација во земјата.

Само два милиона Германци досега се вакцинирани против ковид-19, наспроти 10 милиони луѓе во Велика Британија и министерот за здравство Јенс Шпан кажа дека би можеле да дозволат увоз на кинески и руски вакцини ако ги задоволат безбедносните проверки на Европска Унија.

„Ако една вакцина е безбедна и ефективна, без разлика од која држава доаѓа, таа би можела да помогне во борбата против пандемијата“, изјави Шпан.

Вакцините „спутник“ и „синовак“ досега не се тестирани според западни стандарди и претходно не биле земени предвид во германските планови за имунизација. Унгарија е единствената земја од ЕУ која одобри употреба на руска и кинеска вакцина против ковид-19, за што беше критикувана.