Грчкиот парламент изгласа доверба на Владата на Алексис Ципрас со што се отвара патот Парламентот да го ратификува договорот со кој се става крај на долгогодишниот спор за името со Македонија.

Ципрас ја доби поддршката од 151 пратеник од Парламентот што има 300 пратеници, обезбедувајќи тесно мнозинство за да не оди на предвремени избори.

Тој побара гласање за доверба во неделата, откако неговиот десничарски коалиционен партнер Панос Каменос даде оставка од функцијата министер за одбрана, затоа што не се согласува со договорот за името.