Севернокорејскиот лидер Ким Јонг-ун официјално призна дека неговата земја се соочува со недостиг на храна. На состанок на високи функционери, Ким рече дека „станува напната состојбата со храната кај луѓето“. Тој рече дека земјоделскиот сектор не успеал да ги исполни своите цели за жито поради ланските тајфуни, што предизвика поплавување.

Постојат извештаи дека цените на храната се зголемиле, а државниот медиум известува дека еден килограм банани чини 45 американски долари.

Северна Кореја ги затвори границите за да го спречи ширењето на ковид-19. Како резултат, опадна трговијата со Кина. Северна Кореја се потпира на Кина за храна, ѓубриво и гориво. Земјата исто така страда и од меѓународни санкции, наметнати поради нејзините нуклеарни програми.