Доналд Трамп вели дека Кина нема да се осмели да го провоцира ако се врати во Белата куќа зашто Шји Џинпинг знае дека тој е луд. Тој исто така најави дека би вовел високи тарифи ако Кина изврши блокада на Тајван.
„Ако одите на Тајван, ќе ви воведам такси од 150% до 200%“, кажа Трамп за „Вол стрит џурнал“.
Трамп смета дека непријателите на САД нема да дејствуваат против американските интереси ако тој се врати во Белата куќа зашто ќе се соочат со силен, непредвидлив одговор.
„Јас не би требало да употребам воена сила за да спречам блокада на Тајван зашто кинескиот претседател Шји ме почитува и знае дека сум луд. Имав многу силен однос со него. Тој е жестока личност“, рече Трамп.
Тој се осврна и на својот однос со Владимир Путин и кажа дека и со него одлично се согласувал.
„Сепак, му се заканив да не ја напаѓа Украина. Му реков дека ќе удрам го среде Москва. Му реков: ‘Ние сме пријатели, не сакам да го направам тоа, но ќе морам‘“, кажа Трамп.
