ЊУЈОРК, 18 мај (Ројтерс) – Забрзана кола удри во пешаци на тротоар на преполниот Тајмс сквер во Њујорк, при што загина едно лице, а беа повредени најмалку 12, а полицијата соопшти дека инцидентот не изгледа дека е чин на тероризмот, рекоа сведоци, полицијата и медиумите.

Очевидци за Ројтерс изјавија дека едно лице беше покриено со крваво ќебе по судирот, кој се случи околу пладне во туристичкото место на Менхетн. Стотици илјади луѓе, многу од нив посетители од целиот свет, секојдневно поминуваат низ популарната комерцијална област, во срцето на театарската област на  Бродвеј.

Возилото беше црвена „хонда седан“,  а возачот бил отстранет. Телевизиските снимки покажаа полицајци како апсат човек во темна маица и го ставаат во полициски автомобил. Сведоците велат дека возачот возел во спротивна насока и кон тротоарот, удирајќи пешаци.

„Сите само трчаа, секој беше загрижен за својот живот”, изјави сведок за локалната телевизија.

Автомобилот удрил во бандера и застана на аголот од 45-та улица и Бродвеј. Седум лица биле однесени на носилки, јавија очевидци за Ројтерс. Чевли беа расфрлани на местото на настанот и едно лице беше покриено со крваво ќебе.