Српскиот претседател Александар Вучиќ вели дека не ја поддржува руската инвазија на Украина, иако е благодарен за руската поддршка на Србија во врска со Косово, во интервју за „Блумберг“.

„Ние на самиот почеток кажавме дека не сме во можност и не можеме да ја поддржиме руската инвазија на Украина. За нас Крим е Украина и Донбас е Украина и така ќе остане“, кажа Вучиќ во интервјуто.

Русија во септември еднострано анектираше четири украински региони, вклучувајќи ги Крим и Донецк и Луханск.

Но, српскиот претседател вели дека не може да ги поддржи економските санкции против Русија поради руската поддршка во врска со Kосово.

„Бевме под санкции речиси десет години, поточно осум години, и не веруваме дека тоа е решението“, вели Вучиќ.

За влегувањето на Србија во ЕУ, Вучиќ вели дека земјата нема друга опција.

„Знам дека ЕУ е нашиот пат. Нема друг пат“, рече Вучиќ.